DÍA DAS LETRAS GALEGAS!

Hoxe conmemoramos no cole o Día das Letras Galegas, dedicado este ano a Luisa Villalta.

Reunímonos na biblioteca, que por certo, adornamos para a ocasión cun montón de bandeiriñas que nós mesmos decoramos con debuxos e palabras en galego.

Os nenos e nenas máis grandes do cole (6º de primaria) presentaron unha pequena exposición coa que coñecemos datos interesantes sobre a autora homenaxeada e a súa obra.

Despois, desfrutamos da música da nosa terra. Algúns grupos tocaron, cantaron e interpretaron pezas populares.

DÍA DO LIBRO

 Para conmemorar o Día do Libro organizouse un pequeno "Mercadiño de Libros" na biblioteca do cole. Todos os nenos e nenas puideron visitalo e levar dous libros e unha rosa de agasallo!

Despois do recreo, os nenos e nenas do primeiro ciclo deleitáronnos cunha exposición onde nos contaron cousiñas sobre o Día do Libro e nos fixeron recomendacións a ter en conta para as nosas futuras lecturas.

Grazas rapaces!

DÍA DA POESÍA

 Para conmemorar o Día da Poesía e a chegada da primavera, reunímonos todos no xardín do cole e plantamos nel unha nova árbore. Logo, desfrutamos dun recital de poemas!

DÍA DA MULLER

Para conmemorar este día reunímonos na biblioteca do cole onde coñecemos a importantes mulleres na historia do cine, temática que ocupa o noso proxecto deste ano.

Cada ciclo encargouse de presentar a unha destas grandes mulleres: Halle Baley, Marlene Dietrich, Geena Davis, Sigourney Weaber...