DÍA DA PAZ!

 Hoxe celebramos o Día da Paz no cole. Na hora de ler reunímonos profes, nenos e nenas na biblioteca para ver e escoitar un conto moi especial: "Sadako y las mil grullas de papel". Coñecimos a historia de Sadako, unha nena que vive unha guerra e enferma como consecuencia. Ingresada no hospital, mantén unha actitude positiva e se entretén facendo grullas de papel. Estas grullas convertéronse despois nun símbolo de Paz e Solidariedade.

No noso cole, cambiamos grullas por "paxariñas" en honor a Sadaco e a Paz no mundo, e organizamos varios obradoiros de creación e decoración de "paxariñas de papel. Os nenos maiores do cole repartíronse polas aulas dos máis pequenos para esta actividade e isto deu lugar a un moi bo traballo en equipo!

BO NADAL!

 Hoxe celebramos o Nadal no cole!

Por iso ben cedo, todos os nenos e nenas do centro e tamén profes, reunímonos na biblioteca. Alí cantamos e bailamos panxoliñas. Cada curso preparou unha actuación da que desfrutamos todos os demais.

3 anos

4 anos

5 anos

1º primaria

2º primaria

3º primaria

4º primaria

5º primaria

6º primaria

Despois, como é tradición, tivo lugar a entrega de premios do Concurso de Postais Navideñas. Estes foron os gañadores!

Iker (5º de primaria)

Uxía (2º de primaria)

Abigail (1º de primaria). Estivo maliña e recollerá o seu premio á volta das vacacións de Nadal.

Sofía (5º de Infantil)

Para merendar desfrutamos dun rico chocolate con biscoito!

E para rematar este día tan especial, rimos e nos ilusionamos coa actuación do Mago Alberte!

DÍA DAS PERSOAS CON DISCAPACIDADE

 Hoxe, 3 de decembro, foi o Día das Persoas con Discapacidade. Por iso, todos os nenos e nenas do cole fixemos un pequeno acto na biblioteca.

Cada clase, preparou un cartel xigante con imaxes, frases, debuxos... en torno a unha discapacidade concreta. Despois expuxo o seu traballo ós demais, para que todos coñezamos mellor as discapacidades que nos rodean e consigamos construír un mundo máis inclusivo, que abrace a diversidade.