MAGOSTO E SAMAÍN!

 Hoxe celebramos o Samaín e o Magosto no cole!

Grazas á colaboración das familias, un montón de cabazas orixinais, simpáticas e terroríficas, adornaban os corredores.

E aquí nos tedes a nós, vestidos para a ocasión!

Como todos os anos, tocou pasar polo "Túnel do medo". Este ano con Firuca na porta como directora de cine!

Logo, para repoñer enerxías... Preparamos un estupendo magosto.

Castañas asadas para todos!

E para rematar esta celebración, non podía faltar a entrega de premios do consurso de cabazas.

A máis terrorífica, a de Dani (2º de primaria)

A máis cinematográfica, a de Noa (5º de primaria)

E a máis orixinal, a de Antía (5º de infantil). Que estaba hoxe maliña e recolleu o premio a súa profe.

DÍA DAS BIBLIOTECAS ESCOLARES

  Hoxe foi o Dia das Bibliotecas Escolares, e tamén o día que elexiu Firuca (a trasna da nosa biblio) para contarnos cal vai ser o tema do proxecto deste curso.

Este ano toca coñecer a sétima arte... "O Cine"!

Por iso hoxe ó chegar ó cole atopámonos cunha sorpresa. Todos os profes convertidos en verdadeiros actores e actrices! Non faltaban tampouco a directora, a cámara, a claquetista...

Os nenos e nenas tivemos a honra de pisar unha auténtica alfombra vermella para entrar nas clases, e subir por unhas escaleiras adornadas coas nosas fotos en estrelas. Como o auténtico Paseo da Fama de Hollywood!

En cada clase proxectouse o vídeo coa mensaxe da nosa amiga Firuca, explicándonos todo o que imos aprender este ano sobre "O Cine".

Despois do recreo tivo lugar a inauguración da nosa biblio. Nela reunímonos todos os nenos, as nenas e os profes do centro; e o alumnado de 6º leunos a carta de Firuca.

Vimos un pequeno vídeo sobre os irmáns Lumiere, cos que naceu o cine. E unha curta de Mickey e branco e negro, a primeira que produciu Walt Disney.

Despois coñecemos os axudantes bibliotecarios deste curso!

E para rematar, Firuca regalounos uns bonitos marcapáxinas que puidemos levar para casa.

Grazas Firuca!

Silencio, cámara... Acción!