BO NADAL!

 Hoxe foi o último día de clase antes das vacacións de Nadal, e para celebralo, os alumnos de 5º e 6º de primaria pasaron polas aulas cantando panxoliñas.

Logo, todos o nenos e nenas do cole desfrutamos do tradicional biscoito con chocolate!

E para rematar un día xenial, marchamos ó Centro Cultural da Laracha a ver unha obra teatral: "Os Tres Porquiños"

Sorpresa!

Papá Noel agardábanos á saída. Que ilusión!

De volta no cole e antes de marchar para casiña, tivo lugar a entrega de premios do noso concurso de Postais de Nadal.

Noraboa a Raúl (5º primaria), Osama (5º primaria) e Alexandra (6º Infantil)!

DÍA CONTRA A VIOLENCIA DE XENÉRO

 Hoxe conmemoramos o Día contra a Violencia de Xénero. Todos os nenos e nenas do cole participamos na elaboración dun mural xigante cun montón de mensaxes nas que expresamos as cousas que non nos gustan e non queremos para o noso mundo.

MAGOSTO!

Celebramos o Magosto no cole!

Fixo tan bo día que puidemos desfrutar da nosa habitual merenda de castañas asadas ó aire libre.

Moitas grazas ás familias polas súas aportacións!

Despois, organizados por clases, divertímonos cunha serie de xogos tradicionais.

SAMAÍN!

 Hoxe para celebrar o Samaín no cole, a biblioteca converteuse nun lugar do máis terrorífico!!!

Por quendas, todos os cursos puideron visitala.

Así lucía a nosa exposición de cabazas!

Moitas grazas as familias pola súa colaboración.

CONMEMORAMOS O DÍA DAS BIBLIOTECAS ESCOLARES!

Para conmemorar o Día da Bibliotecas Escolares vimos, cada un na súa aula, o vídeo e as fotos que nos enviou Firuca. Este ano convidounos a investigar a nosa contorna e coñecer un pouquiño máis os lugares marabillosos que nos rodean.

Arranca así un novo proxecto no centro: "Firuca e a contorna".

Día das Bibliotecas Escolares 2021 - Proxecto “FIRUCA E A CONTORNA”

Ola a todos e todas! 

O 24 de Outubro se conmemora o Día das Bibliotecas Escolares 2021 e para celebralo, xa que non nos podemos xuntar coma todos os anos, compartimos con vós este vídeo que nos envía Firuca para animarnos a comezar unha nova andaina. Nesta ocasión pídenos investigar sobre a nosa contorna e convídanos a averiguar todo o que poidamos do noso concello e os lugares fermosos que acolle.

Esperamos que sexa do voso agrado!

La canción del Pirata

Os nenos e nenas de 2º EP queren desexarnos unhas boas vacacións e para elo nos recitan esta poesía tan bonita, mirade que ben o fan!

Poesía Canción del Pirata