ENTROIDO!

Divertida semana de Entroido cumprindo os mandadiños!

Luns: "Para un entroido de cine celebrar, unha boina de director/a terás que usar"

Martes: "Para a alfombra vermella cruzar, as túas mellores galas no pescozo has de levar"

Mércores: "Antes da gran actuación, maquíllate para a ocasión"

Xoves: Disfraz libre!

E o venres... Día da gran actuación.

Un día de cine!

Un montón de personaxes de películas...

E aquí nos tedes repoñendo enerxías co noso tradicional chocolate con rosquillas.

Que rico!

DÍA DA PAZ!

 Hoxe foi o Día da Paz e para celebralo preparamos entre todos unha "Receita de Paz"!

Cada clase encargouse elaborar e aportar un valioso ingrediente: amor, sorrisos, perdón, paciencia, calma, respecto, esperanza, empatía e solidariedade.

Para rematar cantamos e bailamos todos xuntos a canción "Una receta de paz".

Un pequeno vídeo do momento:

BO NADAL!

Hoxe celebramos o Nadal no cole!

Comezamos o día desfrutando de varias actuacións que se levaron a cabo na biblioteca. Os máis pequenos, os nenos e nenas de infantil, cantaron e bailaron cancións navideñas. O alumnado de primaria, interpretou e entonou diversas pezas musicais e panxoliñas.

5º Infantil

6º Infantil

1º Primaria

2º Primaria

3º Primaria

4º Primaria

5º Primaria

6º Primaria

Despois houbo entrega de premios polo concurso de postais navideñas.

Román (6º primaria) foi o gañador. E como finalistas temos que nomear a Noa (5º primaria), Valentina (3º primaria) e Mateo (4º infantil). Este último, que non puido vir,  representado pola súa titora.

Para rematar este día de celebración viaxamos a Laracha para desfrutar dunha obra teatral que nos encantou: "Pinoccio".

A saída agardábanos unha sorpresa... A visita de Papá Noel!

Que repartiu caramelos a todos os nenos e nenas.

DÍA DAS PERSOAS CON DISCAPACIDADE

  Onte (3 de decembro) foi o Día Internacional das Persoas con Discapacidade. Por iso hoxe fixemos un pequeno acto na biblioteca do cole. Alí reunímonos todos os nenos e nenas do centro para escoitar unhas palabras e un pequeno poema que recitaron algúns alumnos e alumnas de primaria.

Despois, ó ritmo da canción de Alaska: "A quien le importa lo que yo haga, a quien le importa lo que yo diga..." bailamos todos xuntos cunhas gafas postas, as "gafas da inclusión", coa esperanza de que nos fagan respectar e ter en conta a diversidade.

NON Á VIOLENCIA DE XÉNERO!

Hoxe conmemoramos o Día Contra a Violencia de Xénero, que é mañá (25 de novembro). Comezamos a xornada reuníndonos na biblioteca todos os nenos e nenas do cole. Alí escoitamos o manifesto que leron os alumnos e alumnas de 6º de primaria.

Despois vimos todos xuntos a película de "Aimbo. La guerrera del Amazonas".

Ademais, o alumnado de Infantil coloreou e pegou bolboretas lilas, rosas e moradas polos corredores do centro, como símbolo de liberdade para a muller.

O alumnado de primaria construíu, con caixas de cartón e debuxos, un muro xigante contra a violencia de xénero.