DÍA DAS PERSOAS CON DISCAPACIDADE

  Hoxe foi o "Día das Persoas con Discapacidade" e no noso cole quixemos recordar un día tan especial con calcetíns de diferentes cores que representan os distintos tipos de discapacidade: cor azul para as enfermidades mentais, vermello para as discapacidades motoras, verde para as discapacidades sensoriais...

Grazas a todas as familias pola súa colaboración!

Despois do recreo, os nenos e nenas maiores do cole convidáronnos a acudir á biblioteca onde nos leron un bonito texto lembrándonos valores indispensables para vivir respectando todas as diferencias. Logo, vimos xuntos un par de cortos cos que concienciarnos un pouquiño sobre o tema.

NON Á VIOLENCIA DE XÉNERO

Hoxe foi o Día Contra a Violencia de Xénero, e para conmemoralo, relacionamos un día tan sinalado coa temática do proxecto de centro (a sostibilidade). Asi é como entre todos demos vida á "Fraga da Non Violencia". Cada ciclo ocupouse de decorar unha árbore que nos recorda valores importantes.

Todas estas árbores decoran agora os corredores do noso cole.

Reunímonos na biblioteca para escoitar ós nosos compañeiros de 6º de primaria, que fixeron unha presentación de cada unha das árbores, leron unhas palabras e recitaron algúns poemas reclamando valores como a igualdade, a tolerancia, o respecto...

Ana, unha compañeira de 3º de primaria, cantou unha fermosa canción a capela.

Ademais, visitounos Cris de Caldas para agasallarnos cunha divertida sesión de contos: "Contos en Lila". E lembrarnos a importancia dos valores que se reclaman neste día.

MAGOSTO E SAMAÍN!

Hoxe celebramos o Magosto e o Samaín no cole!

Gracias á colaboración das familias, adornamos os corredores do centro con estas cabazas tan chulas. Moitas nos achegan á temática do proxecto deste ano: a Sostibilidade Medioambiental.

E así de guapos e guapas estabamos nós!

E como non, tocou atravesar o "Túnel do Medo"!

E para repoñer enerxías... Un rico magosto!

Como é tradición, rematamos o día coa entrega de premios do concurso de cabazas.

Os premiados foron: Martín (5º Infantil), Candela (1º Primaria) e Hugo (4º Primaria).