DÍA DAS LETRAS GALEGAS

 Mañá é o Día das Letras Galegas, así que hoxe tocou celebralo no cole. Este ano, un día tan especial, está dedicado as nosas Cantareiras!

Reunímonos na biblioteca para escoitar a presentación dos nenos e nenas maiores que nos achegaron un pouquiño a nosa tradición e cultura musical.

Logo, algúns grupos animáronse a amenizar o día con unha cantiga...

Pero o momento máis especial foi a visita dun cantareiro e unha cantareira que nos deixaron encantados.

Grazas ós avós de Uxía, María e Leonardo, por regalarnos un anaco do seu tempo e achegarnos a nosa tradición co seu arte.

Como despedida, saímos todos fóra a bailar e disfrutar ó ritmo dunha muiñeira!

DÍA DO LIBRO

 Para conmemorar o Día do Libro organizouse  un ano máis, un pequeno "Mercadiño de Libros" na biblioteca do cole. Todos os nenos e nenas puideron visitalo e levar dous libros de agasallo!

Tamén visitaron unha pequena exposición de libros dos anos 80, que se organizou atendendo á temática do proxecto de centro deste ano: "Os anos 80".

O alumnado de segundo de primaria fixo a presentación de actividades para esta Semana do Libro.

Comezamos disfrutando coa lectura do conto "Que te contaría si pudiera hablar".

Levamos a cabo a actividade do "Padriño lector", onde os nenos e nenas maiores do cole, leron contos ós máis pequenos...

O alumnado dos cursos máis altos, tamén visitou as aulas do alumnado máis pequeno para ler contos.

E nesta semana púxose en marcha unha nova iniciativa: a bibliopatio!

 Para disfrutar da lectura ó aire libre na hora do recreo.

DÍA DA MULLER

 Para conmemorar este día reunímonos na biblioteca do cole onde coñecemos a importantes mulleres dos anos 80, temática que ocupa o noso proxecto de centro deste ano.

Cada clase fixo un pequeno exercicio de investigación sobre algunhas das mulleres máis relevantes desta época. Logo plasmou a información máis importante nunha cartulina e presentou o seu traballo ó resto de nenos e nenas do cole.

Despois deste pequeno acto, montamos un mural con todos os traballos no corredor do cole.